Աշնանային մեծ բացօթյա պլեներ Քանաքեռ-Զեյթունի Մինաս Ավետիսյանի պուրակում

Ավանդական աշնանային պլեներն այս տարի անցկացվեց վերջերս բարեկարգված Մինաս Ավետիսյանի անվան զբոսայգում։ Ավելի քան 60 աշակերտներ իրենց ուսուցիչների հետ միասին աշխատեցին բաց երկնքի տակ։

Պլեները երեխաներին սովորեցնում է արագ որսալ բնական լույսի փոփոխությունը, գտնել հետաքրքիր անկյուններ և աշխատել անմիջական տպավորությամբ։

Լավագույն էտյուդներն ընտրվել են դպրոցի ճեմասրահում կայանալիք «Աշնան մեղեդիներ» ցուցադրության համար։